வாழ்க்கை துணையின் பண்பும் தோற்றமும்
ஆண் பெண் இருவருமே தன்னை அழகுபடுத்திக் கொள்வதில் ஆர்வம் உடையவர்களாக இருப்பார்கள். அழகு என்பது சிலருக்கு இயற்கையிலேயே அமைந்து விடும். சிலர் அழகாக இல்லாவிட்டாலும் தன்னை அழகுபடுத்திக் கொள்வார்கள். அக்காலங்களில் பெண்கள் மஞ்சள் பூசி குளித்து அந்த மஞ்சளின் வாசம் மேனியில் தவழ நெற்றியில் குங்குமம் இட்டு தலையில் நன்றாக எண்ணெய் வைத்து தலைவாரி கொண்டை போட்டு அந்த கொண்டையில் நான்கு முழ பூவை மடித்துச் சொருகி வாயில் வெற்றிலை போட்டு மென்று நாக்கு முழுக்க சிவப்பேறி பேசும் அழகே அழகுதான். மஞ்சள் பூசுவது தோளுக்கு நல்லது. வியர்வை நாற்றம் தெரியாது. குங்குமம் நெற்றியில் வைத்துக் கொள்வதால் மன அழுத்தங்கள் விலகும். கூந்தலில் பூவைத்துக் கொள்வது மங்களகரமான அழகையும் கணவரை மயக்க செய்யும் நிலையையும் உண்டாக்கும். இயற்கை அழகு இயற்கை அழகுதான். ஆனால் தற்போதுள்ள நிலைமையே தலைகீழ். முகத்திற்கு பவுடர் ஸ்டிக்கர் பொட்டு தலையை விரித்துப் போட்டுக் கொண்டு செல்லும் ஸ்டைல் காலில் போட்டிருப்பது செருப்பா மரப்பலகையா என புரியாத அளவிற்கு உயரம் உம் இதுவும் ஒரு அழகுதான்!
ஆண்களையும், பெண்களையும் அழகுபடுத்த எத்தனை அழகு நிலையங்கள் அழகு ராணியா அருக்கானியா என போட்டிகள் ஆனால் புற அழகு வெளித் தோற்றத்தில் பிறரை கவர்ந்திழுக்க மட்டுமே. அக அழகுதான் எல்லோர் மனதிலும் உங்களை நிலை நிறுத்தி வைக்கும். சரி ஜாதக ரீதியாக ஒருவருக்கு அமையக்கூடிய வாழ்க்கைத் துணையானது அழகு அறிவு திறமை வாய்ந்ததாக இருக்குமா என பார்ப்போம்.
ஒருவரின் ஜென்ம லக்னத்திற்கு 7 ஆம் வீடானது களத்திர ஸ்தானமாகும். களத்திர காரகன் சுக்கிரனாவார். பொதுவாக 7 இல் உள்ள கிரகத்தையும், 7 ஆம் அதிபதியையும், 7 ஆம் அதிபதியுடன் சேர்க்கைப் பெற்ற கிரகத்தையும் கொண்டு அமையக்கூடிய வாழ்க்கை துணையானது எவ்வாறு இருக்கும் என்பதை பற்றி தெரிந்து கொள்ள முடியும். ஒவ்வொரு ராசிக்கும் ஒவ்வொரு குணநிலை இருக்கும் என்பதால், 7 ஆம் அதிபதி எந்த ராசியில் உள்ளாரோ அதையும் கணக்கில் கொள்ள வேண்டும். ஜென்ம லக்னத்திற்கு 7 ஆம் அதிபதி, 7 ஆம் அதிபதியின் சேர்க்கை பெற்ற கிரகம், 7 இல் உள்ள கிரகம் இவற்றில் எந்த கிரகம் பலமாக இருக்கிறதோ, அந்தக் கிரகத்தின் தன்மை கொண்டவராக வாழ்க்கைத் துணை இருப்பார்.
நவகிரகங்களில் நாயகனாக விளங்கும் சூரியன் ஒருவரது ஜாதகத்தில் 7 இல் பலம் பெற்று அமையுமேயானால் வரக்கூடிய வாழ்க்கைத் துணை சிவப்பு நிறமாக இருப்பார். சற்று முன் கோபமும் இருக்கும். பெரிய அந்தஸ்துள்ள குடும்பத்தை சார்ந்தவராகவும், இளம்வயதாக இருந்தாலும் தோற்றத்தில் சற்று முதுமையானவராகவும் இருப்பார்.
வளர்பிறை சந்திரன் 7 ஆம் வீட்டில் பலம் பெற்றிருந்தால் வாழ்க்கைத் துணை அழகானவராகவும், மென்மையான குணம் படைத்தவராகவும், வாழ்க்கை துணை மீது அதிகபாசம் உடையவராகவும், வசதியான குடும்பத்தைச் சார்ந்தவராகவும் இருப்பார். அதுவே தேய்பிறை சந்திரனாக இருந்தால் அழகற்றவராகவும், சோம்பல் உடையவராகவும், ஜல தொடர்புடைய பாதிப்புகள் உடையவராகவும், குழப்பவாதியாகவும் இருப்பார்.
செவ்வாய் 7 ஆம் வீட்டில் பலம் பெற்றிருந்தால் வரக்கூடிய வாழ்க்கை துணையானவர் சிவந்தமேனியுடையவராகவும், வசீகரமான உடலமைப்பு கொண்டவராகவும், மற்றவர்களை அனுசரித்துச் செல்லக்கூடியவராகவும், வசதியான வாழ்க்கை வாழ்பவராகவும் இருப்பார். அதுவே செவ்வாய் நீசம் பெற்றிருந்தால் கோபம் அதிகம் உடையவராகவும், மற்றவர்களிடம் அனுசரித்துச் செல்ல முடியாமல் சண்டையிடுபவராகவும் இருப்பாள்.
7 இல் புதன் சுபர் பார்வை சேர்க்கைப் பெற்று பலம் பெற்றிருந்தால் வரக்கூடிய வாழ்க்கைத்துணை நன்கு படித்தவராகவும் புக்தி கூர்மை உள்ளவராகவும், அறிவாற்றல் உடையவராகவும், எதையும் எளிதில் புரிந்து கொண்டு மற்றவரை வழி நடத்திச் செல்பவராகவும் இருப்பார். அதுவே புதன் பாவிகள் சேர்க்கை பார்வை பெற்றால் சுமாரான அழகுடையவராகவும், குழந்தை போன்ற குணமும், மனக்குழப்பவாதியாகவும், நரம்பு சம்மந்தப்பட்ட பிரச்சனைகள் உடையவராகவும் இருப்பார்.
7 இல் குரு தனித்து அமையாமல் சுபகிரக சேர்க்கையுடன் இருந்து பலம் பெற்றிருந்தால் வரக்கூடிய வாழ்க்கை துணையானவர் தெய்வீக குணமும், நல்ல அழகும் ஆன்மிகத்தில் அதிக ஈடுபாடு கொண்டவராகவும் வசதியான இடத்தைச் சார்ந்தவராகவும் சமுதாயத்தில் கௌரவமான நிலையை உடையவராகவும் இருப்பார். அதுவே 7 இல் குரு பலமிழந்திருந்தால் குடும்ப வாழ்வில் ஈடுபாடற்றவராகவும் தேவையற்ற பழக்க வழக்கங்கள் உள்ளவராகவும் இருப்பார்.
7 ஆம் வீட்டில் சுக்கிரன் பலம் பெற்றிருந்தால் வரக்கூடிய வாழ்க்கைத் துணையானவர் நல்ல அழகும் வசதி வாய்ப்புகள் நிறைந்த குடும்பத்தைச் சார்ந்தவராகவும் பிறரை கவர்ந்திழுக்கும் உடலமைப்பும் கொண்டவராகவும் நல்ல பழக்க வழக்கங்கள் உடையவராகவும் இருப்பார். அதுவே சுக்கிரன், சனி, ராகு, தேய்பிறை சந்திரன் போன்ற கிரகங்களின் சேர்க்கை பெற்றிருந்தால் உடல் இச்சைகள் அதிகம் ஏற்பட்டு தடம் மாறி செல்லக்கூடியவராக இருப்பார்.
ஜென்ம லக்னத்திற்கு 7 இல் சனி பலம் பெற்றால் வரக்கூடிய வாழ்க்கைத் துணைக்கு வயது முதிர்ந்த தோற்றம் அல்லது அதிக வயது இருக்கும். கறுப்பாகவும் அழகற்றவராகவும் இருப்பார். ஆனால் அறிவாற்றல் அதிகம் இருக்கும். அதுவே சனி 7 இல் பாவிகளின் சேர்க்கைப் பெற்றிருந்தால் உடல் அங்க பாதிப்புகள் மற்றும் ஊனம் உடையவராகவும் மிகவும் சோம்பேறியாகவும் பார்ப்பவருக்கு அறுவெறுக்கத்தக்க தோற்றம் கொண்டவராகவும் இருப்பார்.
7 ஆம் வீடானது இராகுகேது போன்ற சர்பகிரகங்களால் பாதிக்கப்பட்டிருந்தால் வரக்கூடிய வாழ்க்கைத் துணை கவர்ச்சியற்றவராகவும் வயது முதிர்ந்தும் காணப்படுவார். திருமணம் நடைபெறவும் தாமதநிலை ஏற்படும். அதுவே இராகு&கேது சுபகிரக வீட்டில் அமைந்து சுபகிரகங்களின் சேர்க்கையோடோ பார்வையோ பெற்றால் வரக்கூடிய வாழ்க்கைத் துணையால் மேன்மைகளை அமையும்.
please contact my postal adress
Jothidamamani
MuruguBalamurugan M.A.astro.
Astro Ph.D research scholar
No-19/33 Vadapalani andavar Koil street
Vadapalani, Chennai-600026 Near Bank of Baroda
My Cell - 0091 - 7200163001, 9383763001,
https://www.facebook.com/murugu.balamurugan
https://plus.google.com/u/0/+MuruguBalamurugan
https://twitter.com/murugubala
youtube / murugubalamurugan
E-mail murugu.astro@gmail.com , murugu_astro@yahoo.co.in.
Web www.muruguastrology.com
BANK ACCOUNTS DETAILS ARE
Name ; Murughu Balamurugan
Bank name - Indianbank
Savings Account No - 437753695
Branch name - Saligramam,
Chennai - 600093.INDIA.
MICR no - 600019072
IFS code ; IDIB000S082
CBS CODE-01078
or
Name ; Murugubalamurugan
Bank name - Bank of Baroda
Savings Account No - 29900100000322
Branch name - VadapalaniChennai - 600026.
INDIA.MICR Code - 600012034
IFSC code ; BARBOVADAPA
No comments:
Post a Comment